Gheibh Alasdair Dodds CBE Dotaireachd Urramach bho UHI airson seirbheis don Ghàidhealtachd agus na h-Eileanan

Bheir Oilthigh na Gàidhealtachd agus nan Eilean (UHI) aon de na h-urraman as àirde aige, ollamhachd urramach, do Alistair Dodds CBE mar chomharra air na chuir e ri seirbheis phoblach, leasachadh sgìreil, agus coimhearsnachdan na Gàidhealtachd agus nan Eilean.

Agus e na sheirbheiseach poblach cliùiteach a bha roimhid na Chathraiche air Iomairt na Gàidhealtachd agus nan Eilean (HIE), chuir Alistair seachad còrr is trì deich bliadhna fichead a’ cur taic ri leas eaconamach, sòisealta agus cultarail na sgìre. Tha a cheannardas air cuideachadh le bhith a’ neartachadh co-obrachadh tarsainnean earrainnean, a’ brosnachadh ùr-ghnàthachadh, agus ag adhartachadh fàs in-ghabhalach feadh cuid de na coimhearsnachdan as iomallaiche agus coimhearsnachdan eileanach ann an Alba.

Às dèidh 12 bhliadhna ann an dreuchdan àrd-mhanaidsearachd aig Comhairle na Gàidhealtachd, rinn e Àrd-Oifigear Gnìomha oirre ann an 2007, agus e a’ stiùireadh aon de na h-ùghdarrasan ionadail as motha ann an Alba tro àm de dh’atharrachadh mòr. Chuidich a cheannardas le bhith a’ neartachadh sheirbheisean poblach, a’ brosnachadh ath-leasachaidh, agus ag adhartachadh co-obrachaidh tarsainn na h-earrainn phoblaich, na h-earrainn phrìobhaidich agus na treas earrainn, a’ dèanamh cinnteach gun robh deamocrasaidh ionadail fhathast freumhaichte ann am feumalachdan nan coimhearsnachdan.

Ann an 2014, chaidh e na bhall de Bhòrd Iomairt na Gàidhealtachd agus nan Eilean (HIE), far an robh e na Leas-Chathraiche agus na Chathraiche air a’ Chomataidh Riosga is Barrantachaidh mus deach a chur an dreuchd mar Chathraiche ann an 2020. Fo a stiùir-san aig HIE, chluich Alistair pàirt chudromach ann a bhith a’ stèidheachadh a’ Chom-pàirteachais Eaconamaich Sgìreil, a tha air cumadh a thoirt air lìbhrigeadh Ro-innleachd Nàiseanta Riaghaltas na h-Alba airson Cruth-atharrachadh Eaconamach air feadh na Gàidhealtachd agus nan Eilean.

Chaidh CBE a bhuileachadh air roimhe seo airson seirbheisean do riaghaltas ionadail ann an Alba cho math ri Comhaltachd Urramach Cho-roinnte bho UHI airson na h-obrach aige air amalachadh cùram slàinte is sòisealta air a’ Ghàidhealtachd.

Thuirt Alasdair:

“Tha mi air a bhith an sàs ann an leasachadh Oilthigh na Gàidhealtachd agus nan Eilean aig diofar amannan bho 1996, agus tha an duais seo, a thàinig mar mhòr-iongnadh, na urram mhòr dhomh agus fear a bhios mi a’ cur luach. Tha e ag aithneachadh obair nam buidhnean leis an robh mi nas motha a sàs, Comhairle na Gàidhealtachd agus Iomairt na Gàidhealtachd agus nan Eilean, agus cuideachd ar com-pàirtichean agus coimhearsnachdan prìobhaideach, poblach agus buidhnean treas-roinneil air feadh na Gàidhealtachd agus nan Eilean.”

Thuirt Vicki Nairn, Prionnsapal agus Iar-Sheansalair UHI:

“Bha Alistair na eisimpleir de na luachan a tha aig cridhe ar n-oilthigh, com-pàirteachas, cothrom do na h-uile, agus creideas ann an cumhachd cruth-atharrachail foghlaim, iomairt agus coimhearsnachd. An dealas a bh’ aige fad a bheatha airson na sgìre seo agus a muinntir, bha buaidh mhaireannach aige. Is e a bha a ghnàth air aire a bhith a’ leasachadh beatha agus cothroman dhaoine air feadh na Gàidhealtachd agus nan Eilean. Tha sinn moiteil a bhith ag aithneachadh na choilean e leis an ollamhachd urramach seo.”